Wednesday, July 12, 2017

മനുഷ്യൻ എന്ന അത്ഭുത ജീവി



കുറെ നാളായി വല്ലതും എഴുതിയിട്ട്.
ഫേസ്ബുക്ക് വായന.. അതിൽ ചില പേജുകളിലെ സ്ത്രീ എഴുത്തുകാർ അവർക്ക് കിട്ടുന്ന ലൈക്കുകളുടെ കൂമ്പാരങ്ങൾ..
പിന്നെ എന്റെ ബ്ലോഗിനു പഴയ പ്രൈവസി ഇല്ല എന്ന തിരിച്ചറിവ്
ഒന്നും കുറിച്ചുവയക്കാൻ പോലും അശ്ക്തമാക്കുന്ന ജീവിതാനുഭവങ്ങൾ..
പണിമുടക്കിയ ഇന്റർനെറ്റ്, ഉറക്കമില്ലായ്മ, മൊബയിൽ അഡിക്റ്റ്..
അങ്ങിനെ നിരവധി കാരണങ്ങൾ ഉണ്ട് ബ്ലോഗേ എഴുതാതിരിക്കാൻ.




എന്റെ ജീവിതത്തിലെ വലിയ വലിയ വഴിത്തിരിവുകൾക്കിടയിലും
എന്നെ എനിക്ക് നഷ്ടമാകാതിരിക്കാനായി ചേർത്തുപിടിച്ചിരിക്കയാണ്.
എന്നെ ഞാൻ തേടുന്നത് റ്റ്വിറ്ററിലും പിന്നെ ഇവിടെയുമാണ്. പുറം ലോകത്തൊക്കെ മുഖം മൂടിവച്ചുവേണം അഭിനയിക്കാൻ. അവിടെ എനിക്ക് വിവിധതരം റോളുകൾ ആണുള്ളത്. അതൊക്കെ സ്വാഭാവികതയോടെയും ആത്മാർത്ഥതയോടെയും അഭിനയിച്ച് തീർത്താലേ എനിക്ക് എന്റെ ജീവിതം വിജയിച്ചു എന്ന് പറയാനാവൂ..


ആദിയോഗി പറയുന്നത് ഉണ്മയിൽ നിന്ന് ഇല്ലായ്മയിലേക്കുള്ള യാത്രയാണ് ജീവിതം എന്ന്. അത് തിരിച്ചറിയുന്നവർക്ക് സമാധാനത്തോടെ ഈ ഭൂമിയിൽ ജീവിക്കാനാവുന്നു. ഞാൻ എന്ന ഭാവത്തിൽ നിന്ന് ഞാൻ ഒന്നുമല്ലാ എന്ന തിരിച്ചറിവ് നേടണം..!




എങ്കിലും എനിക്ക് എന്നെപ്പറ്റി എഴുതാതിരിക്കാനാവുന്നില്ല.


എനിക്ക് വഞ്ചന, തോൽ‌വി, അപമാനം, വിജയം, അഭിമാനം, എന്നിങ്ങനെ അടിക്കടി അനുഭവങ്ങൾ മാറിമാറി അനുഭവപ്പെട്ടുകൊണ്ടിരിക്കയാണ്..


ഞാനായി തുടങ്ങിവയ്ക്കുന്ന കാര്യങ്ങളുടെ നേട്ടങ്ങൾപോലും മറ്റുള്ളവർ
തട്ടിപ്പറിച്ചിട്ട്, അവിടെ എന്നെ തന്നെ അന്യയാക്കി വിജയം ഘോഷിക്കുന്നവർ!




അതു പറഞ്ഞപ്പോൾ ഇപ്പോഴത്തെ സിനിമാഫീൽഡിലെ സംഭവവികാസങ്ങൾ ഓർമ്മവരുന്നു. ഈ ലോകത്ത് പണക്കാരനും പാവപ്പെട്ടവനും ആരും തന്നെ
സുരക്ഷിതരല്ല എന്നതാണ് സത്യം!  സമാധാനപരമായി സ്നേഹത്തോടും ഒത്തൊരുമയോടുമൊന്നും ജീവിക്കാൻ ഈ ഭൂമിയിൽ ഒരിടം പോലും ഇല്ലാതായിക്കൊണ്ടിരിക്കുന്നു..




നാം തന്നെ ഒരിച്ചിരി സ്പേസ് ഉണ്ടാക്കി അവിടെ മനപൂർവ്വം നന്മയുടെ സമാധാനത്തിന്റേയും വിത്തുകൾ വിതയ്ക്കുക. എന്നിട്ട് ക്ഷമയോടെ കാത്തിരിക്കുക. പതിയെ വിത്തുകൾ മുളച്ച് ചെടിയായി പൂവിട്ട് വരും വരെ!
നമ്മുടെ ഓരോരുത്തരുടെയും ലക്ഷ്യം അതാവട്ടെ!




നാം അന്വേക്ഷിക്കുന്ന സമാധാവും സ്നേഹവും എങ്ങും ഇല്ല എന്ന് തിരിച്ചറിവുണ്ടാവുമ്പോൾ, നാം ഭാവന ചെയ്ത അത്തരം ഒരു ലോകം നാം തന്നെ പടുത്തുയർത്തും എന്ന ദൃഢനിശ്ചയ്ത്തോടെ മുന്നോട്ടുപോവുക.


സമാധാനവും സന്തോഷവും ഒക്കെ പതിയെ നമ്മുടെ അരികിൽ ഓടിയണയും.
അപ്പോൾ ചേർത്തണച്ച് ജീവിക്കുക.




ചുറ്റും നടമാടുന്ന അനീതിയും അക്രമവും വെട്ടിപ്പിടിക്കലും കുതികാൽ‌വെട്ടും ഒന്നും കണ്ടില്ലെന്ന് നടിക്കുക..സമൂഹത്തിന്റെ ഒരു ചെറിയ ഉദാഹരണമാണ് ഓരോ വീടും. അല്ലെങ്കിൽ ഓരോ വീട്ടിലും  സമൂഹത്തിൽ നന്മയും തിന്മയും വിതയ്ക്കേണ്ട വിത്തുകൾ വളരുന്നുണ്ട്.  നമ്മുടെ വീട്, നാം ജീവിക്കുന്ന ചുറ്റുപാടുകൾ ഒക്കെ നമുക്ക് കഴിയും വിധം സമാധാനപ്രദം ആക്കാൻ ഓരോരുത്തർക്കും ശ്രമിക്കാം..




വഞ്ചനകളും ചതികളും ദുരാഗ്രഹങ്ങളും ഒക്കെ കോണ്ടുനടക്കുന്നവരെ കണ്ടില്ലെന്ന് നടിക്കാം. ഇടയ്ക്കിടെ നന്മയുടെ കിരണങ്ങൾ തിളങ്ങുന്ന ചില ആത്മാക്കൾ ഉണ്ട്. അവരോടൊപ്പം നമുക്കും കൂടാം.. സമാധാനത്തോടെ ജീവിതം ജീവിച്ചുതീർക്കാം.. ദൈവത്തിനെ പറ്റിയും അനന്തതയെ പറ്റിയും ഈ ലോകരഹസ്യങ്ങളെ പറ്റിയും മനുഷ്യൻ എന്ന അത്ഭുതജീവിയെ പറ്റിയും ഒക്കെ നമുക്ക് ആഴത്തിൽ ചിന്തിക്കാം..




[എഴുതിയതിൽ വലിയ സംതൃപ്തി ഒന്നും ഇല്ല. ബ്ലോക്ക് പോയിക്കിട്ടാൻ വേണ്ടി എഴുതിയതാണ്. രാവിലെ മൂന്നരയ്ക്ക് എണീറ്റു. ഇപ്പോൾ സമയം ആറ്. ഒരു ആറര, ഏഴൊക്കെ ആവുമ്പോൾ ഉറങ്ങണം.
അതിനിടയിൽ കിട്ടുന്ന സമയം മൊബയിൽ വഴി ഫേസ്ബുക്കും റ്റ്വിറ്ററും വായിക്കും. ഫേസ്ബുക്കിൽ നിറയെ സിനിമാ നടന്റെ സാഹസികമായ കുറ്റകൃത്യങ്ങളും ജീവിതവും ഒക്കെയാണ്.. വായിച്ച് മടുത്തു]

No comments: